എനിക്ക് വെളിച്ചെണ്ണ കഴിഞ്ഞേയുള്ളൂ മറ്റെല്ലാ എണ്ണകളും. ഇവിടുത്തെ വില താങ്ങാന്‍ വയ്യാത്തതുകാരണമാണ് തേങ്ങയുടേയും വെളിച്ചെണ്ണയുടേയും ഉപയോഗം കുറച്ചിരിക്കുന്നത്.

ലേഖനം നന്നായി. സന്തോഷിന്റെ പോസ്റ്റില്‍നിന്നാണ് ഇവിടെയെത്തിയത്.

ഹിന്ദുപോലൊരു മുഖ്യധാരാപത്രം ഈ വാര്‍ത്ത പ്രസിദ്ധീകരിച്ചത് ആശാവഹം തന്നെ.
തൊണ്ണൂറുകളുടെ ആദ്യഘട്ടത്തില്‍ ഇതേ ആശയം മുന്നോട്ട് വെച്ച് ഒടുവില്‍ പലരുടെയും സമ്മര്‍ദ്ദങ്ങള്‍ കൊണ്ട് ഗവേഷണത്തിനു വേണ്ടത്ര പണം കിട്ടാതെ പോയ ഒരു പ്രൊഫസറുണ്ട് കേരള യൂണിവേഴ്സിറ്റിയില്‍ (ടി.രാജമോഹന്‍, ബയോകെമിസ്ട്രി). കേരളത്തില്‍ മനുഷ്യരില്‍ തന്നെ പരീക്ഷണങ്ങള്‍ നടത്തിയിട്ടുണ്ട് അദ്ദേഹവും അദ്ദേഹത്തിന്റെ വിദ്യാര്‍ത്ഥികളും. ഫലങ്ങളെല്ലാം വെളിച്ചെണ്ണയ്ക്ക് അനുകൂലമായിരുന്നു. പലപ്പോഴായി കോണ്‍ഫറന്‍സുകളിലും മറ്റും ഇതെല്ലാം വെളിപ്പെടുത്തിയിട്ടുമുണ്ട്. എന്നാല്‍ അതിനൊന്നും വേണ്ടത്ര പ്രചാരണം നമ്മുടെ കുത്തകപത്രങ്ങള്‍ കൊടുത്തിട്ടില്ല.

പരമ്പരാഗതമായി വെളിച്ചെണ്ണയും തേങ്ങയും ഉപയോഗിച്ചിരുന്ന മലയാളികളെ അപകടകാരികളായ മറ്റ് എണ്ണകളിലേക്ക് തെളിച്ചതിനു പിന്നില്‍ വളരെ ശക്തമായ ലോബിയിംഗും, മാര്‍ക്കറ്റിംഗ് തന്ത്രങ്ങളുമാണെന്നതിനു സംശയമില്ല.

ഇനിയിപ്പോള്‍ എത്ര പ്രചാരണം കൊടുത്താലും ഒരു തിരിച്ചുപോക്ക് സാധിക്കുമെന്ന് തോന്നുന്നില്ല.